.png)
Hyfforddiant Personol
Rhodd Hughes
Amdana'i
Helo,
Fy enw i ydy Rhodd a dwi’n hyfforddwr personol ers 2019.
Dwi’n wreiddiol o ogledd Cymru, ond ers ‘chydig (!) o flynyddoedd rwan dwi’n byw yng Nghaerdydd.
Yn bersonol, mae ymarfer corff i mi yn ffordd o symud y corff a, chlirio’r meddwl, ac weithiau dwi’n cael yr awydd i wthio fy hun gydag heriau amrywiol.
I mi, nid sut mae’r corff yn edrych sy’n bwysig, ond y gallu i symud y corff mewn ffordd effeithiol gan gadw’r meddwl yn gryf.
Dwi’n bell o fod yn ‘berffaith’, beth bynnag ydi hynny. Dwi’n coelio mewn mwynhau fy hun ar hyd y ffordd, felly nai byth wrthod darn o gacen na glasiad bach bob hyn a hyn.
Mae bywyd yn brysur, felly dwi’n cyd-weithio gyda cleientiaid i’w gneud hi mor hawdd â phosib i ymarfer corff yn gyson, mewn ffordd adeiladol sy’n rhoi mwynhad, ac o ganlyniad mae’r buddion yn dilyn.
Ers 2022, dwi’n astudio cwrs Ffisiotherapi ym Mhrifysgol Wrecsam. Mae wedi bod yn brofiad gwych, a dwi’n edrych ‘mlaen i ddysgu mwy yn y maes yma dros y flwyddyn nesaf, wrth i mi deilwra fy sesiynau ffitrwydd.
Yn fy amser rhydd, dwi’n mwynhau cymdeithasu, trio pethau newydd, rhedeg a mynd am dro yn y mynyddoedd – cymryd mantais o fod yn y Gogledd go iawn!
Os hoffech chi fwy o wybodaeth, croeso i chi gysylltu!
Gwasanaethau
‘Mae hyfforddiant gyda Rhodd wedi fy ngalluogi i drawsnewid mewn i fersiwn orau ohonof fy hun yn gorfforol, gan ddilyn cynlluniau ffitrwydd a ddyluniwyd yn ofalus ac yn benodol sy’n ymgorffori’r hyn rwy’n ei fwynhau wrth herio fy hun. Mae angerdd a brwdfrydedd Rhodd am hyfforddiant a ffitrwydd hefyd yn disgleirio ym mhob un sesiwn! Nid yw ymarfer corff bellach yn ‘chore’ i mi ac mae wedi dod yn rhan bleserus iawn o fywyd (gyda manteision iechyd meddwl enfawr).”
Lowri James, Cyprus.
About
Geirda
“Nid wyf erioed wedi bod yn gefnogwr mawr o ymarfer corff a dechreuais weithio gyda hyfforddwr personol ar gyfer rhywfaint o atebolrwydd - fy ngorfodi i symud fy hun o leiaf unwaith yr wythnos. Fodd bynnag, gyda Rhodd, mae'r hyn a oedd unwaith yn teimlo fel tasg wedi dod yn weithgaredd sy'n cael ei gadw yn fy nyddiadur yn ddi-ffael a di-ffwdan.
Un o'r pethau rwy'n ei werthfawrogi fwyaf am Rhodd yw ei hyblygrwydd anhygoel. P'un a yw'n twinge parhaus yn fy mhen-glin neu gefn anystwyth sy'n achosi trafferth, mae hi bob amser yn gyflym i gymryd fy mhryderon i ystyriaeth. Mae hi'n addasu ein sesiynau hyfforddi i sicrhau nad ydw i'n gwaethygu unrhyw anhwylderau, ond rydw i hefyd yn gweithio tuag at eu cryfhau a'u goresgyn.
Dwi ddim yn meddwl y byddwn i’n dal i ddod ar ôl 4 blynedd oni bai am agwedd gyfeillgar Rhodd, ynghyd â’i harbenigedd amlwg a’i phroffesiynoldeb diwyro. Y cydbwysedd perffaith rhwng rhywun y gallaf sgwrsio â nhw a hyfforddwr sy'n fy ngwthio i fynd ychydig ymhellach.
Ni allaf argymell Rhodd ddigon.”
Abby Charles, Caerdydd.
‘Rydw i a’m mhartner wedi bod dan ofal Rhodd ers cwpwl o flynyddoedd bellach. Roeddem yn ddi-brofiad a di-hyder i fynd ati i ymarfer corff ar y cychwyn, ond gwnaeth Rhodd i ni deimlo’n gyfforddus a diogel yn ei chwmni o’r cychwyn cyntaf un. Mae’n hollol broffesiynol, yn herio mewn modd gofalus ac adeiladol ac yn gallu addasu a theilwra sesiwn yn ôl ein gofynion. Mae’n bleser bod yn ei chwmni braf a phositif. Yn sicr, rydym yn cael budd o fynychu sesiynau Rhodd a bob amser yn teimlo’n well ar ddiwedd yr awr. Hyfforddwraig ardderchog.’
Angharad Rogers, Caerdydd.
“Rydw i wedi cael gymaint o fudd personol o hyfforddi efo Rhodd. Mae ei annogaeth cyson a’i chefnogaeth caredig yn arbennig. Mae hi’n gwybod sut a phryd i wthio fi ymhellach tua fy nôd. Drwy sesiynau grŵp a phersonol gyda Rhodd dros bum mlynedd, mae hi wedi newid yn llwyr y ffordd rwy’n meddwl am ffitrwydd, cryfder a iechyd, gyda llawer o hwyl ar hyd y ffordd! Mae hi’n berson lyfli, yn ysbrydoliaeth a’n hyfforddwraig penigamp.”
Anna Daniel, Caerdydd.
_edited.png)